شعبان صحى الصبح ..وحشانى يا نونة..حنان يعنى بالشعبانى..مد ايده
ومسك ايديها ..ايه ده يا حبيبتى ..؟؟دى ايد دى و لا رجل جحش؟؟ ايه بس يا
شعبان البرد دخل و ايدى بتأشف اعمل ايه بس ؟؟يعنى ايه تعملى ايه ..يعنى
بقى لى شهرين فى المستشفى ووحشانى خالص آجى الاقيكى مربيه شوك قنفد فى
ايديكى..يا بنتى فى اختراع اسمه كريم اسمه فوزلين اى مصيبة تريحنا من
الاشف اللى عامل ايدك زى جلد الحربايه كدة...خلاص خلاص يا عم منتا شوفت
البنات باة فى المستشفى ومبقيناش نعجب ..طبعا شوفت فلانه و علانه وتركانه
..مكنا عاجبين يا شعبو _شعبان يعنى _بس خلاص كل راجل يقعدله يومين فى
المستشفى يتريق على مراته ..يا بنتى بقولك حطى حاجة للخيش اللى طالع لك فى
ايديكى ده ...دنتى بتفكرينى بضهر السلحفة ..خلاص يا شعبان شكلك شوفت لك
شوفه ..منا طول عمرى ماشفة مقولتش كدة ..وكنت راضى بقليله..لا اله الا
الله ..خلاص يا ستى انا سايب لك البيت خالص ...هروح لعم ابو كمونه ..يمكن
يرزقنى ربنا على اديه رقدة فى المستشفى تانى ...شعبان
..شعبان..شعباااااااااااااااااااااان...
وفضل شعبان المستشفى على حنان المأشفة
تركيبة بسيطة و سهلة لترطيب اليد فى الشتاء المقبل ..واحنا بنستعد لها بقى باللازم ...وفعالة جدا و جميله ...
تتكون من التالى:
ثلاثة ارباع فنجان جل الصبار الرائع للجلد
تمن فنجان جلسرين
تمن فنجان زيت خروع
خمس كبسولات فيتامين هاء
*اخلطى المكونات جيدا ...ضعيها فى بطرمان مناسب
يمكن اضافة بعض قطرات عطر مناسب طبيعى ..يفضل ان يكون اللافندر
تركيبة
هايلة لليد و المرفقين واى منطقة تحتاج ترطيب ..الصبار رائع كمضاد للجفاف
و التشقق...الجلسرين و الخروع مرطبات ماصة للرطوبه من الجو لتزود الجلد
بها ..فيتامين هاء مغذى و مرطب و مجدد
جربوها هتعجبكم جدا ....وبطلى كسل يا لاستو ...
شكرا ليكم
د.حكيم زمانه
الخميس أكتوبر 02, 2008 1:16 am