الشتاء و جفاف الشتاء

كل سنه و حضراتكم طيبين و كل اعضاء الجروب المتزايدين فى صحة و عافيه و كل
عام و انتم بخير بقرب حلول عيد الفطر المبارك...وأسال ربنا ان يتقبل
الصيام و العمل القليل ....طبعا نحن مقبلون عى فصل الشتاء وفى فصل الشتاء
بتبتدى الشفايف تشقق و تجف وفى بعض الناس بتدمى من فرط الجفاف و
التشقق...وده ان دل على شىء يدل على نقص فى الفيتامينات ..و لذا انصح
الجميع بالتسلح بعدد من وجبات الخضروات و الفاكهة خاصة عائلة البرتقال
واخواته ..طبعا اكثر ما يشتريه الناس فى الشتاء هى زبدة الكاكاو ..وحته
تجارية كدة لازم تعرفوها ان زبدة الكاكاو دى مش زبدة كاكاو دى قاعدة مضاف
اليها ريحة زبدة كاكاو ..بس طبعا الناس مفكراها زبدة كاكاو طبيعية ودى مش
موجودة فى اى منتج مصرى ...احنا بنهدى النفوس بس...اصل شغل التركيبات ده
بقى خبرة و لعب كتير ..علشان كدة بحب الناس تتعلم تعمل الحاجات البسيطة دى
...واوعدكم باذن الله قريب ساوفر معظم عناصر تركيباتى و غيرها فى مكان
كويس على اعلى درجة من الجودة...تعالو نعمل مع بعض ..زبدة كاكاو جميلة جدا
للشفه ومن عناصر بسيطة و سهلة ..
28 جرام شمع نحل ابيض وده هتلاقيه عند العطارين الكبار
20 جم زبدة كاكاو بتاعة بالمرز من اى صيدليه كبيرة
40 مل زيت زيتون نقى
10 مل زيت مر نقى وده هينسف اى تشققات
2 مل زيت لافندر طبيعى
*اضيفى شمع النحل لزبدة الكاكاو و سيحيهم فى حمام مائى
اضيفى الزيوت ما عدا اللافندر*
*اخلطيهم جيدا مع التقليب
*انزليهم من الحمام المائى ..وقبل التجمد اضيفى زيت اللافندر
*قلبى ...و صبيه فى بطرمان صغير مناسب ...او اى اناء تريه مناسب لدهان الشفايف ..واتركيه حتى يبرد تماما
*استخدميه على الشفايف المتشققة او المقشرة او الجافة ...وستحسين بفرق شاسع ..خاصة فى الشقوق

اتمنو تكونو بتستفيدو و تستمتعوا بالتركيبات و المعلومات ..وشكرا لكم
د.حكيم زمانه