أهلا بيكو أعضاء جروبنا المميز ..آه طبعا مميز يا جوجو ...وكل عام وانتم
جميعا بخير و تقبل الله منا منكم الصيام و القيام و صالح الأعمال ...وشكرا
لكل من تواصل معى او اضاف فكرة او اقترح اقتراح أو سأل سؤال ..وأتمنى ان
يكون فيما نقدم افادة حقيقية و عمليه للجميع ...لانى بصراحة ارتبطت بهذا
الجروب ارتباط قوى ..طبعا المودام متعرفشى بهذا الارتباط ..والا تخلى
ليلتى بحلقى مقلمة باسود..وأعتذر لكل من فاتنى الرد على سؤاله او لم أجد
سؤاله أصلا فى خضم كم الاسئلة الذى يرد ...و قريبا باذن الله سيكون فى
الامكان التواصل فى مكان مخصص لذلك لمن اراد التواصل او الاستفادة او
الاستشارة ..وسيكون مكان مميز باذن الله.
النهاردة هدى لكم تركيبة
ظريفة و خفيفة و لطيفة ...اسبراى للجسم و البشرة منعش و ملطف و مجدد و
وكمان مضاد للسعات الشمس فى البشرة ..حاجة خفيفة كدة ..ودى ممكن اى رجل او
ست تحتفظ بيها فى البيت او حتى فى الشغل ..وبنات الجامعات كذلك و شباب
الجامعة ..طبعا لظروف اللف و الدوران فى الشمس ..وربنا يعينكم ..مجهود شاق
و سكاشن طول النهار اللى فى الهرم و اللى فى الشوارع ..منتو عارفين بأة
..الدراسة و مشاغلها ..مش كدة و لا ايه ؟؟
يتكون الاسبراى من الآتى :
200 مل ماء مقطر
2 معلقة شاى اخضر مجفف
معلقة صغيرة جل صبار
معلقةكبيرة ماء ورد
ثلاث نقط زيت لافندر اساسى
اغلى الماء ثم اضيفيه للشاى فى اناء زجاجى
اتركيه ربع ساعة
صفى الشاى مع العصر وخدى الخلاصة
اضيفى جل الصبار وحركيه حتى يذوب او يتجانس مع الماء
اضيفى ماء الورد
اضيفى زيت اللافندر و اخلطيهم جميعا جيدا ..
ضعيهم فى زجاجة بخ زى زجاجة البرفان كدة ..
رجيه عند الاستعمال ..و استخدميه
**التركيبة
دى فى منتهى الجمال فهى تحتوى على خلاصة الشاى المائية بما فيها من
تانينات قابضة ومضادة لالتهاب البشرة و لسعات الشمس ..فيتامين سى المغذى
للخلايا البوليفينولز المضاد للاكسدة ايضا زيت اللافندر المنعش و المهدىء
و المضاد الرائع لالتهاب الجلد و الناتج عن الشمس و غيره وماء الورد
الجميل الملطف المحتوى على العناصر الملطفة و المفيدة جدا للبشرة
**بصراحة مكنتش اتخيل انه هيطلع جميل كدة ..بس الحمد لله طلع
شكرا جدا ليكم ..واتمنى التواصل
د.حكيم زمانه
الأربعاء سبتمبر 24, 2008 3:21 pm
