شكلى بايخ قوى ...حبوب ماليه وشى عاملة زى امنا الغولة ..ضميرعبير يتحدث
...ده ليه حق البعيد يطفش ...ونا بأقول طول الليل برة ليه ..ومش طايق يبص
فخلقتى....بس انا هعمل ايه هفضى لوشى و لا للبيت و العيال ..يا شيخة بلا
قرف ...اللى اهتمو بنفسهم عملو ايه ...شوشو بيوسوس فى ودان الهانم ...سيبك
منه بلا فقر ...شويه حبوب خفاف ايه فيها ايه يعنى ..منتى زى القمر...اه
فعلا ..منا حلوة اهو ووشى عامل زى الطماطماية الضاربة...مهو برضو الزبون
مش مهتم بيكى و لا ايه؟؟؟شوشو بيقول كلمته ...آه فعلا ..و لا حتى بيقولك
كلام حلو زى زمان ...استاذ يا شوشو..بس هوة عنده شوية حق ..ضمير عبير
يتحدث ..الواحدة برضو لازم تعبر الراجل ..وتحسسه انها مهتمة بنفسها ..حتى
نشيل شوية الحبوب دول ...شوشو يضيف ..طيب مهوة مبهدل و معفن برضو ...و
مبيضربشى جل فى شعره ..زى العيال البكالالا ..آه صح ...هوة ليه مش زى
العيال البكالالا...عيال بكالالا ايه بس يا ستى دى مناظر برضو ..ضمير عبير
يتكلم ....و الله صح ..ده حتى الواحد منهم بيبقى عامل القنفد و عامل شوك
فى دماغه بلا نيله ...هوة فى احسن من الراجل العاقل الهادى الراسى زى
سمورتى ......عاقلة يا بت يا عبير و الله ...طيب و الحبوب يا حكيم
....ملكيش دعوة ...قومى بس اغسلى وشك اللى مش باين له ملامح ده ...و خلينا
ندى تركيبة النهاردة علشان الفجر قرب وعاوزين ننام يا فالحة .....ماشى يا
حكيمو ربنا ميحرمنا منك...
طبعا انا لا اعنى هنا حبوب الشباب...دى
حبوب لاى سبب وفى اى عمر سنيه بنات و فتيات و شباب و كله ...قد تكون من
حساسية جلدية لمادة ما او لجو ما او نحوه ...حاجة ملطفة و جميله ..وفعالة
و سهلة ..وتستخدم كماسك روعة ...وممكن لكل عروسة برضو ما قبل الجواز
..اسبوع او اسبوعين ..استخدميها ..و استخدمى معها ماسك التفتيح لتحصلى على
اجمل و انضر بشرة ..
كوب ماء مقطر
ربع فنجان بقدونس فريش اخضر مخروط
معلقة كبيرة نعناع بلدى مخروط
ربع فنجان جرجير مخروط
3جزرات متوسطة الحجم مبشورة و مقشرة
بياض بيضة واحدة
***ضعى
البقدونس و النعناع و الجرجير فى الماء و ضعيه على نار هادية جدا لمدة ربع
ساعة ...اتركيه نصف ساعة حتى يستخلص تماما بعيدا عن اللهب
*صفى الاعشاب و خذى النقيع ..الخلاصة يعنى المركزة اللى حصلتى عليها
اخلطى الخلاصة ببياض البيض و الجزر فى خلاط ...على سرعة متوسطة لمدة دقيقة ..
استخدميه كقناع على وجهك لمدة 20 دقيقة ...ثم اشطفيه بالماء الدافىء...
*اتعودى دايما تشطفى وجهك بعد اى ماسك او قناع ...بخليط من خل التفاح فى كوب ماء معلقة كبيرة خل لاعادة توازنه الحمضى ..
الماسك ده جميل و لطيف و هيعجبكم ..واى خدمة يا حجة عبير انتى وسمورة بتاعك
شكرا لكم
د.حكيم زمانه
السبت سبتمبر 20, 2008 1:31 am