اهلا
بيكو اعضاء جروبنا الكرام ...كنت جالس مع احدى القريبات ..وجه الحديث عن
التخسيس و طرقه ووسائله ...وانا طبعا ليا وجهة نظر فى موضوع التخسيس انا
دايما اقوله ان التخسيس مسألة ثلاثية الابعاد...رؤس مثلث الراس الاول
النظام الغذائى وده راس المثلث....لانه مينفعشى ابدا نتكلم عن التخسيس
ونهمل هذه النقطة ...والراس الثانى وهو احد راسى القاعدة هوة الرياضة او
الحركة عموما ...و الراس الثالث هو الدواء سواء كانت اعشاب او حبوب تخسيس
كيماوية ...من غير كدة اتحدى اى برنامج ينجح ...ولذا كل الناس تلاحظ انى
عمرى مبدى وصفات تخسيس لانى و ان كنت الحمد لله اقدر اعمل كدة بسهولة واجى
فى قناة فضائية و افرد على خلق الله واقول انا اللى جبت الديب من ديله
...بس انا الحمد لله مش اسلوبى ده من يوم متخصصت فى المجال الفخم الضخم ده
...انا بس بدى هنتات عن اعشاب تساعد...او نظم ترشد..والناصحة تفهم ..المهم
بتسألنى عن وصفة سمعتها فى احدى القنوات الفضائية وهية شوربة للدكتور بدوى
او بديوى ..حاجة زى كدة ..وانا مع احترامى الشديد لكل الشخصيات ..واعلم
انهم اعلم منى و افهم ..الا انى مبعرفش ابويا فى مسالة النصح و التبيين
..ومع انى مش بشهرة الدكتور الا انه لزم الايضاح ...
الشوربه كويسة جدا
فى كل مكوناتها لحد منيجى للسناكى او السقمونيا ....وكلاهما اسوأ من بعض
كاستخدام مستمر وشوربة ممكن الست تستخدمها مرتين او تلات مرات يوميا او
حتى مرة يوميا لمدة شهر او شهرين ...
ايه المشكلة باة :
نيجى
للسنامكى ودى فى العالم كله ملين قوى يستخدم فى حالات الامساك ومعروف ان
هيئة الاغذية و الادوية الامريكية ولجنة تصنيف الاعشاب الالمانية منعت
استخدام الملينات فى التخسيس ...ليه؟؟؟
*الملينات تسبب تعود القناه الهضمية عليها مما يؤدى الى كسل شديد عند ايقافها
*الملينات
تسبب التهابا فى جدر الامعاء لانها تعمل بطريقة الالتهاب الموضعى لجدر
الامعاء مما يزيزد من حركتها وتقلصها ودفع الطعام ,,استمرار الالتهاب يؤدى
الى قرح او ربما اكثر من ذلك
*الملينات تسبب فقد كثير من العناصر
الاساسية على راسها البوتاسيوم ..مما يؤدى الى خلل شديد فى السوائل وتعرض
الجسم للجفاف او حتى ضعف وظائف بعض الاعضاء كالقلب ...وازدياد التفاعلات
العشبدوائية مع نقص السوائل الحاد
نيجى للسقمونيا :
*السقمونيا ملين عنيف وده اخطر من السنامكى
*السقمونيا
تسبب الغثيان و القىء فى الجرعات المستخدمة للتخسيس لانك غالبا ما تحتاج
الى جرعات عالية و مستمرة للحصول على دعايه اعلانية و ضربه فضائية قويه
..وعلشان تيجى تفرد رجلك وتعمل فيها زويل ..واللى يموت فى داهية
*السقمونيا تودى الى التهاب الغشاء المبطن للقناه الهضمية
*السقمونيا قد تؤدى الى التهاب الاحشاء الحوضية
*السقمونيا اذا امتصت بشكل عالى فانها تسبب التهابا فى القناه البوليه وقد يصل الى التهاب كلوى ومضاعفاته
اللى هيناقشنى ومحتاج اى مراجع انا مستعد لكدة ..واللى دارس متهيالى عمره مهيراجع لانه عارف
ايها الناس اتقو الله فى الناس الذين لا يعلمون ...فانتم مسؤلون عما تكتبون وتقولون ....ومن تطبب ولم يعلم منه طب فهو ضامن ....
اللهم بلغت اللهم فاشهد
صوما متقبلا..وافطارا شهيا ..بلا اسهال
وكلو و اشربو و لا تسرفو..انه لا يحب المسرفين
د.حكيم زمانه
الثلاثاء سبتمبر 02, 2008 12:39 pm
