كلنا عارفين القناع اللاصق ..قناع جيلاتينى بيتشد على البشرة ..غالبا
الدهنية لتنقيتها و ازاله الدهون و الخلايا الميته ...وممكن بتغيير فى
المكونات نخليه للبشرة الجافة برضو او العادية ..المسالة انه مش يبقى قناع
يتشد و بس ..لأ طبعا لازم بكون فيه مواد مفيدة للبشرة زى اللبن او الزبادى
او عصير الفواكه او العسل ...ودايما بقول جربى فى التركيبات مادمت فى حيز
المواد الآمنة ..وانا عمرى مبعرف فى المقاييس والمعايير انا بجرب لحد
التركيبة ((متظبط )) معايا
***هديلكم قناع حلو قوى زى بتاع الممثلات كدة ..وطبعا حضراتكم اجمل من الممثلات بكتير ..بس الدنيا حظوظ ...
**عدد واحد خيارة
**معلقة صغيرة كاموميل زهور طبعا
**معلقتين عسل ابيض
**معلقتين لبن حليب معقم او مغلى ..
**جيلاتين غذائى غير معطر
حضرى
خلاصة الكاموميل المائية بغلى الماء حوالى 50 مل يعنى نص كوب ماء و صبيه
على الزهور و سيبيه ..اد نصف ساعة ..و بعدين صفى الناتج و خدى الخلاصة
*ضيفى اللبن و العسل للخلاصة الناتجة
*ضيفى الجميع للخيارة بعد تقطيعها و اضربى الجميع فى الخلاط او اضربى الخيارة فى الخلاط و خدى العصير ثم اخلطيه مع الباقى ..زى متحبى
*ضيفى الجيلاتين للناتج بمعدل معلقة كبيرة جيلايتن الى كل ثلاث مل عق من المحلول الناتج
*طبعا هنسخن المحلول كله يا ريت على حمام ماء لحد ميسيح الجيلاتين و يختلط بباقى المكونات .....ويكون مزيج سهل الوضع على البشرة ..
*طبعا
هنسيبه يبرد شويه مش لدرجة انه ينشف او يشد حسيه بايدك ...و بعدين افرديه
على الوجه ..ماعدا العين طبعا و الشفايف ...واستلقى ...و استرخى ..وشغلى
كدة شريط للشيخ مشارى راشد ....حتى تحسى بشد فى بشرتك يبقى جف ....
*انزعيه بخفة و رشاقة ..قصدى لطف
*اشطفى بشرتك بماء دافىء ..وجففيه ...وبصى لنفسك فى المرايه ....واوعى تدعى عليا ..
***يمكنك تغيير المكونات حسب البشرة ...
استمتعى بفن التركيبات و عالم الطبيعة مع حكيم زمان
الثلاثاء أغسطس 26, 2008 10:45 am