اولا ..احب اشكر كل الناس اللى جاملونى سواء بالاتصال او الرسايل او عبر
الكلمات الجميلة ....شكرا ليكم جميعا ..و اتمنى اللى عنده اقتراح او اضافة
او فكرة او أفشة ....هههه..حلوة افشة دى ...يضيفها لى عبر الجروب ...وشكرا
للشباب الروش اللى كلمنى و البنات الظراف اللى جاملونى ...وكتير من الناس
عاوزة تعرف اسمى ...مش عارف ليه ..هوة حكيم وحش ....وبعدين ممكن اسمى يطلع
مثلا ..قرنى ..هههههه..تبقى صدمة ..يقولو ايه ..كريم قرنى لتفتيح البشرة
...خلينا فى حكيم احسن ....
نرجع للكلام المفيد .....كل الناس نفسها
تعمل شامبو بالاعشاب ....طبقا الشامبوهات دى ليها فن معين و طرق ...هديلكم
شامبو رائع للشعر الجاف ....علشان يبقى ماسك و شامبو ..و كل بنت شعرها خشن
_لا سمح الله _ يتحسن ....يتكون الشامبو من الآتى :
3 جم مسحوق جذور السنفيتون و دى عند العطارين المحترمين
3جم مسحوق اوراق اكليل الجبل ..برضو عندهم
3جم زهور بابونج ...عندهم
100 مل ماء مقطر
ملء فنجان شامبو جونسون للاطفال
بيضه بصفارها و بياضها ,,لاحظو ده شامبو مش كيكة
20 مل لبن حليب معقم
***ضعى الاعشاب فى الماء و اغليهم خمس دقائق على نار اقل من هادية ثم اتركيهم نصف ساعة للاستخلاص و صفيهم و خذى الخلاصة النقيه
***اضيفى الخلاصة العشبية للبيض و اللبن و اخلطيهم جيدا
***اضيفى الشامبو للخليط و قلبى جيدا و انصح باضافة كبسولتين فيتامين هاء كحافظ
****عبيهم فى زجاجة شامبو و احفظية فى اسفل درج فى التلاجة و استخدميه يوميا مع تركه على الراس قليلا اقصد الرغوة ...ثم اشطفيه
متهيالى بسيطة و جميله ....دى مع الماسك بتاع امبارح هيخليكى مش عاوزة نفسك بنفسك ......مع حكيم زمانه
الإثنين أغسطس 25, 2008 8:49 pm