نسينا القدم صح ؟؟ و دى قدم السعد لازم ناخد بالنا منها ...اكبر جزء فى
الجسم يتكون فيه طبقات جلد ميته هى القدم ...و لذا لابد لها من اسكروب خشن
...مع مادة تساعد على التئام الشقوق او الكهوف ههههههههه..طبعا مش حضرتك و
لا انتى ..دى الست اللى مشيت حالا ..معندناش حد فى رجله شقوق لا سمح الله
..فلابد من العناية بالقدمين ..هديلكم اسكروب ظريف و لطيف و عنيف و رهيب و
مخيف ....ده فيلم رعب ده يا حكيم مش سكروب ...المهم خلو بالكو ..من رجليكو
مش من عيالكو ...و عيالكو برضو
السكروب يتكون من الاتى
*عصير ليمونه كبيرة بلدى بعد نزع البذر
*معلقتين كبار زيت زيتون
*ملعقة كبيرة زيت مر وده اعجوبه الزمان فى لئم الشقوق و الكهوف حاجة كدة تاريخية
* ربع فنجان لبن
*فنجان سكر خشن جدا
*ملعقة كبيرة مطحون القرفة الخشن
نقاط من زيت النعناع الاساسى
اخلطى الزيوت مع بعضها تماما ...و السكر مع القرفه ...و اللبن مع الليمون ثم اضيفى الجميع فى اناء مناسب ..
*اغمرى قدمك فى حملم ماء دافىء لمدة دقائق ثم جففيه خفيفا
*استخدمى
السكروب مع التدليك و الاهتمام بالمناطق الجافة و المتشققة ...و اتركى
الزيوت تتوغل و تتوغل و تحارب و تقاتل و تصارع ...كفايه كدة اوى
خلاص كدة خلصنا ...بالتدريج سترين عجبا ...نعومة ايه و نضارة ايه ...وادعو لحكيم زمانه
شكرا ليكم
د.حكيم زمانه