طبعا الجميع بيحط ميك أب فوق العين و تحت العين وقريب هيبقى جوة العين
قصدى الحريم يعنى و ربنا يستر منلاقيش رجاله حاطين ميك أب فوق العين ..دى
الرجالة بترقص زى سهير زكى اليومين دول أل وبيطالبو بنقابة للرقص الشرقى
الرجالى ...بعد كدة الشاب يتقدم للبنت يقولو له شغلتك ايه ..يقول ...رقاصة
؟؟؟؟ههههههه يبقى .مش هيحطو ميك أب ..سترك يا رب ...المقصود ...وصفة
لازالة الميك اب مجموعة زيوت مع بعضها بتشيل الميك اب الخاص بالعين .و كنت
وصفته لبنت كانت بشرتها حساسة و قالت لى انه ((ورك جريت )) على حد قولها
بالمناسبة ..يعنى ايه الكلام ده ..المهم قلت اديهولكم انهاردة وادعولى بأة
عاوزين ناخد ماجستير اعشاب و لا حاجة
التركيبة تتكون من التالى :
*معلقة كبيرة زيت خروع
*معلقة كبيرة زيت زيتون نقى
* 2ملعقة صغيرة زيت كالنديولا
اخلطى الزيوت جيدا فى حمام زيتى
ضعيهم فى زجاجة صغيرة
استخدميها بقطنة صغيرة معقمة لازاله مكياج ما حول العين ...ولما يبقى يحطو مكيااج فى العين يحلها ربنا ..
***على فكرة بنت قالت لى انها بتشيل الووتر بروف ماسكارا كمان ..هبقى اترجمهالكم ..ويمكنت انتو تعرفوها احسن منى
شكرا لزؤكم
د.حكيم زمانه
الإثنين أغسطس 25, 2008 3:40 pm