التونر ده اساسا عملته للبشرة الدهنيه ...وزى مقلت انا مبثبتشى على تركيبة
كل حالة لها حاجة ...فكذا تونر و كذا ماسك ..يعنى كدة ...ده تونر جميل
لبنت كانت بشرتها دهنيه وعندها بدايه تجاعيد خفيفة ..لا هتقولهولك خبيرة
تجميل و لا خبيرة تهليب حتى ....مع ان المهلبين كتار ...و لا حد فيهم
بيعرف حاجة ..غير الطريق السريع الى محفظة سيادتك ...مرة قعدت مع خبيرة من
اياهم ...وبسالها عن تركيبة كده خفيفة كل ما اكلمها تقولى الليمون و
الجلسرين ..التجاعيد الليمون و الجلسرين ..الخدود الليمون و الجلسرين
,,,قلت لأ اكيد حضرتك مناسبة من عيله الليمون و الجلسرين ..
المقصود ...تونر لطيف و خفيف ...هيعجبكم ..وياريت تجربوه
ربع فنجال ماء مقطر
معلقة كبيرة خلاصة الهماميليس اللى بيسموها بندق الساحرة
معلقة كبيرة عصير خيار طازج مفلتر جدا
معلقة صغيرة زيت جنين القمح النقى
***اضيفى الزيت لخلاصة الهماميليس و رجى جيدا
***عصير الخيار مع الماء المقطر
اصيفى الجميع لبعض و رجى ....
***استخدميه كتونر رائع و كمان مضيق للمسام و كمان منظف بعد المكياج ...و تحت العين تحفة ...طبعا بقطنة معقمة .....وادعولى ...
د.حكيم زمانه
الإثنين أغسطس 25, 2008 3:38 pm