اقوى تركيبة لالم الدورة الشهرية

ازيكم ..طبعا انا فعلا زعلان جدا ...جروب بمثل هذا التخصص و القوة مفيش اد
تلتميت نفر ...ده انا لو كنت بكتب طبخات ابله فضيلة ((مش دى بتاعة طبيخ
برضو)) كان زمانى لميت يجى الفين ...و لا كنت كتبت معجبين زكى حسونة
..طبعا متحقوهوش انتو الراجل ده ...و لا انا برضو ...لو كنت عملتله جروب
الله يرحمه كنت لميت عشرتلاف زبون ...بس ياخسارة على اللى جاع و لا كلشى
...المهم انا لن ايأس فى بلد النيل الحبيب و سأكافح و اناضل ..و ادافع و
ابارز ..لحد ميبانلها بر ...المهم انهاردة تركيبة علاجية شويه ..وده تخصصى
على فكرة ..اكتر من التجميل بس بحود شمال احيانا على التجميل بحكم شغلى فى
كذا شركة انتاج منتجات تجميل ...
تركيبة اليوم خاصة بالنساء ...لالم
الدورة الشهرية ممتازة و مجربه ...وكنت منزلها فى كم شركة و كان العاملات
يفضلنها على اى اقراص او حقن ...طبعا لانها من حكيم زمانه ..وطبعا الزمان
اللى بعد زمانه بشارعين ...مكوناتها قويه و مؤثرة باسطة للعضلات و مضادة
للالم و مدفقة للدورة و معوضه لضعف الجسم و مهدئة عصبية للمود بما انه
بيبقى فى توتر فى هذه الفترة ...
تتكون من :
*مجروش الزنجبيل ...و الزنجبيل ده اعجوبه لوحده و يمكن ابقى اعمله ضريح قصدى مقال بنسبه 25%
*القرفة ....القرفة مع الزنجبيل بيقوو اثر بعض جدا و بيعملو دو اتو رائع ...
بنسبة 25%برضو
*مجروش الناردين المخزنى ...بيسموه الفاليريان ...حاجة كدة مهدىء طبيعى رااااائع ...و لا ترامادول و لا كالميبام ..برضو 25%
*مجروش اللوبيليا ...باسط رائع للعضلات الملساء ...ومضاد للتشنجات و برضو بنسبة 25%
***نخلط
الاعشاب و نضعهم فى برطمان او بعض الناس بتقول بطرمان ..ومش هتفرق معانا
كتير ...و نسنخدمهم نقيع على الساخن ..زى الشاى الكشرة ملء معلقة صغيرة
يصب عليها 100 مل ماء يغلى ..و يغطى الاناء و يترك لمدة ربع ساعة او اكثر
و يشرب ....ثلاث مرات يوميا طيله ايام الدورة ...وشكرا لصبركم عليا
د.حكيم زمانه

انا عندي خلطة سريه ثانيه وسهله مممممممممممممممممممممررره وموجوده في كل بيت

تخفف الالم بشكل رهيب تغني عن ضرب الابر كمان

وتنظف الرحم حتى ان الست تلاحظ خروج قطع دم

وهذا يكون نتيجة الدم الفاسد المتجمع في الرحم

غير كدا ممكن انها (السيده) تحمل منها

اقول لا سر

على فكره انا مكتبتهش في اي منتدى او موقع

وعلى فكرة برظه هي سر علتنا