الرجالة كلو دقنى ...قصدى كلو وشى ...ملناش نصيب ملناش نصيب ...قلت لهم يا
جماعة انتو الخير والبركة..واستنو العلاوات ..اقصد التركيبات اللى
جايه..وبعدين هن رحمة لنا ..مش كدة و لا ايه ؟؟؟جبت لكم يا شباب افتر شيف
و الله اكثر من رائع ...ملطف ومنعش ومضاد للالتهاب ومضاد للحبوب ..بعد
سيادتك مربنا يوفقك و تحلق تستخدم هذا الافتر شيف الطبيعى....ودى كنت
عملتها لشاب كان يشكو كثيرا من حبوب بعد الحلاقة ..و بالذات اللى عندهم
حبوب شباب...وبعدين ينفع برضو للحريم_احسن ننضرب _كمنظف للبشرة اومزيل
لكريم الاساس ..او لكريم السقف هههههههه...بهزر تقريبا ..
تتكون من التالى :
35 جم زهور اللافندر الرائعة
10جم زهور الكالنديولا الهايله
10 جم زهور البابونج الخارقه
125 مل كحول ايثيلى %96
375 مل ماء مقطر
5 مل زيت لافندر اساسى
***اخلط الماء و الكحول
*اضف الزهور للخليط السابق و ضعهم فى بطرمان زجاجى كبير طبعا بعد طحن الاعشاب طحنة خفيفة
*اتركهم فى مكان مظلم لمدة شهر مع الرج اليومى
صفى الاعشاب من المخلوط بقماش تصفيه ...اوشاش كذا طبقه مع عصر الاعشاب طبعا للاستخلاص التام..
*اضف زيت الافندر ورج جيدا
انت
تقتنى الآن اجمل افتر شيف فيكى يا بلد ولو حطيته فى زجاجة شيك ..لا تقولى
نيفيا و لا حتى جولدن ماير ...والله جميل و رائع فعلا ..وشكرا جدا ليكم و
احتمالكم ليه الفترة دى كلها ..مش عارف مستحملين ازاى
د.حكيم زمانه
الإثنين أغسطس 25, 2008 3:25 pm