ازيكم....عاملين ايه ...بقينا اربعميه الف مبروك وضهرى انكسر من كتر الزق
...المهم اننا وصلنا اربعميه ..وعلى راى المثل الايرانى القديم ((اشمعنى
ايرانى يعنى )) طريق الالف فيل يبدأ بنمله ...طبعا متعرفوش المثل ده
..وبصراحة انا اول مرة اسمعه ..جه منين ده اكيد من شيراز بلد السجاد
الأصيل..اللى بيبهت من غير غسيل
....امبارح كنت بقرا فى بحث فى اشهر
مجلات العالم العشبية والله حاجة تفرح ...طبعا هوة الموضوع مش جديد
..الجديد ان هيئة الاغذية و الادويه الامريكية المسماه بالاف دى اى
...اعترفت بنوع من انواع البلاستر يتكون من جل مطعم بطبقه من العسل لعلاج
القروح و الجروح و التقيحات ...والله فرحت جدا ...لاننا الحمد لله كعرب
ومسلمين نملك هذه الثقافة الطبية الصحيحة اللى بيثبت العالم يوم بعد يوم
صحتها ...وبدأ بالفعل تسويق هذا المنتج فى امريكا ..وصدق ربنا لما قال
((يخرج من بطونها شراب مختلف الوانه فيه شفاء للناس )) وشفاء هنا عامة لكل
مرض ...بس طبعا العمليه مش عجن و خلاص لازم تركيبه صح و اسلوب صح ..ونظام
صح ...هديلكم النهاردة تركيبه لمرضى القدم السكرى ..و القدم السكرى هو
ببساطة شديدة جرح فى مريض سكرى ..عنده السكر يعنى ..ونظرا لان الانسجة غير
قادرة على لئم نفسها لنقص الانسولين ..ونظرا لحاجت كتيرة مش هينفع اشرحها
هنا ..لطولها ..الجرح يزداد ويتسع و يتقيح...حتى انه قد يسبب غرغرينا
سكريه للجرح و المنطقه او حتى العضو...
*اكرر تابع طبيب الغدد الصماء و
السكر المتخصص فى ذلك ...لان الحل يبدأ بتظبيط السكر اعنى الجلوكوز علشان
المتخصصين ميتقمصوش منى ...فى الدم ....قد تحتاج لحبوب او حتى حقن انسولين
غالبا فى هذه الحاله...
*انهاردة جبت لكم تركيبة ممتازة جدا للقدم
السكرى ..منظف و معقم ولائم للأنسجه ...وعارف ان كتير من الناس هيقول يا
عم حكيم قدم سكرى ايه بس اللى هتفتى فيه كان غيرك اشطر ...بس اقولها بفضل
الله ...انا اشطر من غيرى فى دى ...سيبونا ناخد فرصتنا بأة الله....ركزو
معايا جدا
***التركيبة تتكون من التالى:
1- البروبوليس وهو من
منتجات النحل وهو متوفر عند كل النحالين الكويسين بس برضو زى مبكرر خلو
بالكو من الغش ويسمى (عكبر) بالعربى....ده يستخدم منه 800 ملجم يعنى ميزان
حساس ..البروبوليس ده قصة وممكن تبحثو على النت علشان تعرفو بنفسكو وهبقى
اقولكم عليه فى تركيبات جايه
2-المر ..بيسموه العطارين مر بطارخ
...والمر ده بقى اعجوبه من اعاجيب الطبيعه ...لا تقولى كورتيزون و لا بتاع
..هبقى احكيلكم عنه قريب ده 50 جم بالجرام مش بالملجم
3-عسل يكفى لعمل عجينه قوامها متماسك وسهل الوضع على و داخل القرحة او الجرح.....وطبعا العسل له قصه لوحده ..
*اخلط المكونات ..زطبعا ممكون تضاعف الكميه بمضاعفه المكونات على حسب الجرح و عمقه و اتساعه
*تحضر التركيبه وتترك فى الثلاجة قبل الاستخدام ثلاث ايام بمعنى نحضر كل تلات ايام كمية كافيه ونشيلها للاستخدام بعد ثلاثة ايام
*ننظف الجرح بالطريقه المعتادة غالبا ما تكون بالبيتادين او السافلون ثم تجفف بقطنه معقمة ..ثم يوضع المركب ...
*يفعل ذلك يوميا لمدة اربع اسابيع
*ستلاحظ بدايه تكون النسيج و التحام القرحة او الجرح وكذلك قله الافرازات و الصديد تدريجيا .
*كل
ده مع تظبيط السكر مع الطبيب المختص ...وتظبيط الغذاء ....باذن الله ستكون
نتائج ممتازة ....وابقو ادعو للغلبان ده ...وشكرا ليكم جميعا
د.حكيم زمانه
الإثنين أغسطس 25, 2008 3:23 pm