لبشرة كالممثلات ومن الطبيعة

جالى كم رساله بالامس القريب و سبحان الله كانهم متفقين على طلب و احد
...الاولى عاوزة حاجة تنعم الجسم ..و التانيه حاجة ملطفة للجسم علشان يبقى
زى الممثلات كدة ..و التالته عاوزة تعرف حاجة لبشرتها الجافة جسمها يعنى
..قلت سبحان الله ..الجفاف عم البلد يا ولداه ..ولازم تدخل من حكيم زمانه
لانقاذ الحالة ..ودايما اكرر و اقول البشرة زيها زى اى جزء فى الجسم
اهمالها و ترك العوامل الخارجية و الداخلية تعبث بيها يسبب لضعفها ..و
الموضوع ده طويل جدا ..بس انا اعنى باختصار العوامل الخارجية اللى هيه
الشمس و التعرض لمجففات البشرة و ملوثات المسام ..وما اكثرها فى هذا
الزمان ..طبعا عارف ان الموضوع مش سهل وان الراجل و الست مطحزنين فى الشغل
و الشمس بس بقول ادى فترة لبشرتك تخاد الى النوم و تسترخى ..بحمام بخار او
بحمام دافى فيه بعض خلاصات الطبيعة او الزيوت الاساسية ..دعى بشرتك تتنفس
..كمان لازم اسكروب للجسم اسبوعى علشان الخلايا الميته تزال و المسام
تتنفس ...لازم برضو ملطفات للبشرة هادية و غير قاسية ..و الطبيعة مليانه
..وجسمك من الارض و التراب ..و انفع شىء ليه ما نبت حيا من التراب ..شكلى
هرغى كتير و نا بصراحة رغاى فى البرانش ده فهقصر و اجيب من الآخر ..
*نصائح عامة ((للى عاوزة تبقى زى الممثلة و بشرتها ملساء كالحرير)):
· *لا تستخدمى الماء الساخن جدا فى الحمام يكفيك الدافىء فقط ..و لا تعودى نفسك على اسلوب واحد مرة ميه دافيه و مرة ميه باردة ..
· *بعد الحمام استخدمى اى كريم بخلاصة الصبار فهو رائع للبشرة كملطف و ملين ومججد
· *لا تحرمى بشرتك من زيت الزيتون و لو مرة فى الاسبوع ..
· *لا تنسى اسكروب اسبوعى لطيف و غير قاسى على البشرة
·
*استخدمى المنظفات الداخليه الهامة لتخليصك من السموم و طرد المواد الضارة
و مقاومة الشوارد الحرة انصحك بشاى الارقطيون مع اكليل الجبل ...قد يقيك
ايضا هذا الشاى من مرض الزهيمر كما يقرر دكتور جيمس ديوك و غيره .ليه
ميكانيكية غلشة كدة للطريقه دى بس فعلا فعال .
· *كريم زيت الكالنديولا راااااااااااااااااائع فلا تحرمى بشرنك منه
·
*استخدمى ماسكات و اسكروبات حكيم زمانه ..فلن تجدى لها منافسا فى السوق
الشرق و لا الغرب اوسطيه ((حتة دعاية كدة))..واشتركى فى جروبه كمان
ههههههههه.
· استخدمى ملطفات البشرة الطبيعية التى تحتوى على ما ذكرنا و كذلك زيت اللوز و كذلك زيت زهرة الربيع ((برايمروز))
**
جبت لكم النهاردة حاجتين علشان الناس تتبسط ...يستخدمو ورا بعض الاول
سكروب هادى منعم جدا للبشرة ...و التانى ملطف جميل و مرطب و منعم ...
· اسكروب اختراع :
o ملء فنجان مطحون الشوفان و ده مشهور اوى فى التنعيم وممكن تلاقوه جاهز معلب و لو شوفان مطحون يبقى كويس برضو ...جدا
o ربع فنجان لوشن دوف الحليبى ..لانكم مش هتعرفو تعملو بودى ميلك ..
o نصف ملعقة صغيرة زيت جنين قمح ...
o عدد واحد بيضة
ط
اخلطى المكونات كويس ....خدى شور دافى كدة و انتى فى الشور متعى بشرتك
بهذا السكروب ..سيببيه خمس دقايق و اشطفيه ...و ممكن تعدلى فى الكميات لحد
ميتظبط قوامه بس متعلبيش فى المكونات ..وبعدين استخدمى هذا المنعم الملطف
q
3 ملاعق كبيرة لانولين + معلقة كبيرة زيت دوار الشمس ((يقال عنه خطأ عباد
الشمس))+معلقة كبيرة زيت لوز مر طبيعى غير مغشوش+ملعقة كبيرة زيت زيتون او
جنين قمح حسب رغبتك ..انا شخصيا بحب الزيتون جا بس طبعا الجنين تحفة
..هتسيحى اللانولين فى حمام مائى و تضيفى له الزيوت و تخلطيهم و همة
ساخنين ..و تعبيهم فى حاجة كدة شيك ..و تبرديه ..و تستخدميه ..
اظن ....زهقتو ....بس استجابه لطلب الجروب الاعزاء .......اللى مقدرشى اتاخر عن طلباتهم ...شكرا ليكم
د.حكيم زمانه