مازال حكيم زمانه يتفوق على نفسه ..طب تلاته بالله العظيم حلوة يتفوق على
نفسه دى...وتحس انها جديدة ...ربنا يحميك لشبابك يبنى ..حكيم زمانه يتحدى
الشلل اللى سببه تحدى الملل بتاع صوفيا هورين وارنولد شوال بنجر...كفايه
ضحك و خلينا فى البنجر ..قصدى فى التركيبة السحريه ...
طب ليه سحريه يا
عم حكيم ...لانها جميله و متعددة الأغراض ومفيدةو هقولكم كذا استخدام ليها
..تنفع فى البيت ومراكز الساونا و الحمامات و مراكز التخسيس..بصراحة جميله
و مجربه كمان ..دايما انصح بيها لاعبى الرياضات اللى بتجهد وبعد التريننج
..وبعد الرجوع من العمل مع الشور ...تعالو نشوف بيتكون من ايه ...وبيشتغل
فى ايه ..
يتكون من التالى:
ملء فنجان ملح بحرى ..ولو املاح البحر الميت الأصليه يبقى كويس
ملء 2 فنجان بيكنج بودر
ملء فنجان ملح انجليزى وده هتلاقوه فى الصيدليات و رخيص جدا
معلقة كبيرة جلسرين لكل مرة شور
خمس نقاط زيت اللافندر العطرى او الريحان العطرى برضو لكل شاور
*اخلطى المواد الصلبه ..البودرة يعنى ..وضعيها فى بطرمان زجاجى محكم الغلق ..
**استخدمى
ربع فنجان من المخلوط فى ماء الاستحمام مع تذويبه ...استرخى فى مياه الشور
المذاب فيها الاملاح ..بفرض ان سيادتك من الزمالك وعندك بانيو ((مع
الاعتذار للأهلويه )) هههههه..ظريفة مش كدة
*اضيفى الجلسرين و نقاط
الزيت العطرى للشاور نقطة نقطة ...و استمتعى بشاور محصلشى ...هذا الشاور
يمتص التوكسينز من الجسم ..المواد السامة يعنى ..و يرخى العضلات ...وكذلك
الزيوت العطريه ..و الجلسرين للترطيب
*استخدمى المخلوط الجاف ...معلقة
مع عصير ليمونة ...واكحتى ..قصدى افركى ..المناطق الخشنة فى الركبتين و
الكوعين و تمتعى باسكروب راااااااائعو مبيض كمان
*اذيبى معلقة كبيرة فى
كمية ماء كافيه لوضع قدميك ..انقعى قدميك عشر دقائق ...هذا يخلصك من التعب
و كذلك رائحة القدم السيئة ..و الفطريات كذلك
*ضعى كمية بسيطة على اللوفه وبلليها او اضيفى لها قليل من الشاور جل ..واكحتى ..قصدى افركى جسمك بها ...نعومة محصلتشى
*دلكى بالمحلول المذاب فيه التركيبة اماكن التقلصات اعنى العضلات و استمتعى بمزيل للتقلص سهل و جميل
بالله عليكم مش الواد حكيم ده حاجة محصلتش فى القرن العمشتاشر ..ده يطلع رقم كام ده فى التاريخ؟؟
ده
سؤال حلقة انهاردة و اتصلو على زيرو زيرو نقطتين تلات اصفار ...وجاوبو
..هتفوزو ...بصوت واحدة تكلمك ربع ساعة ..وتقولك فى الآخر للأسف الاجابه
غلط..روح بيتكم
شكرا ليكم
د.حكيم زمانه
الإثنين أغسطس 25, 2008 3:20 pm
بتصدق ان دمك خفيف ياعم حكيم