ازيكو جميعا ....اتمنى تكونو بخير و كل سنه وحضراتكم طيبين بمناسبة قرب
حلول الشهر الكريم ..واتمنى تكونو هتصومو السنه دى...واشكر كل اللى اتصل
او ارسل رساله او سأل سؤال ...و انا ببقى فعلا سعيد بالتواصل معاكم
..وأتمنى يكون الشعور متبادل ..و متكونوش زهقانين من العبد لله ...وآسف
لوكنت بتاخر فى الرد على حد لانى و الله ايام ببقى مشغول جدا ..بس طبعا
بحاول الرساله اليوميه تصل لمستحقيها ..
انهاردة جبت لكم دهان للتشققات
...كل التشققات اللى فى الجسم ..قدمين ..ركبتين ..كوعين ..وعارف ان
المساله دى شائعة فى المجتمع المصرى ..يمكن نظرا لظروف جفاف الجو ..او
يمكن الشعب بيمشى حافى احيانا ...مع انه معاه فلوس و عنده دسته جزم و
شباشب لكل مواطن ...يمكن الرجلين مش عاجبها الشباشب ...او الجلد زهق من
نفسه
المهم ..التركيبة سهله و مفيدة و فعاله ..و تتكون من التالى
*200 مل زيت زيتون
25 جم زهر بابونج مطحون
25 زهر كالنديولا مطحون
25 مر مطحون
25 جم لانولين
25 جم شمع نحل
5مل زيت لافندر طبيعى
ضعى
الزهور مع الزيت و اخلطيهم جيدا ...ضعيهم على نار اقل من هادية بحيث لا
تمس النار الاناء ...اتركيه لمدة ساعه و نصف ...اتركيه يبرد ...صفى الزيت
من الاعشاب تصفيه كاملة ....و انقلى الناتج فى اناء ستينلس ...
*ضعيه على النار الهادئه ..و اضيفى اليه اللانولين ..و شمع العسل ..حتى يمتزج الجميع ارفعيه من على النار و برديه
*اضيفى زيت اللفندر قطرة قطرة مع التقليب التريجى
*انقليه فى زجاجة او بطرمان شك مناسب ...و ارتكيه حتى يتقوم و يجمد
*ضعى قدميك المشققتين فى حمام دافىء مائى ..جففيهما ...و ضعى الدهان واتركيه يتغلغل الكهوف ..اقصد الشقوق الموجودة
*كررى ذلك صباحا و مساء لمدة شهر .
لاحظى الفرق ...الآن ..و الآن فقط .....لن تجرح يدك بعد تحريكها على كعبيك
استمتعى برجلين ناعمتين
د.حكيم زمانه
الأحد أغسطس 24, 2008 6:53 pm