لتاخير نمو الشعر

حكيم زمانه ..حاشر نفسه فى كل حاجة ..اشى ماسكات و اشى اسكروبات .و
رجاليات و نسائيات ...امه قالت له يبنى يا ضنايا لازم ابخرك ...قالها
تبخرينى من ايه يما قالت له من عين كل حاسد ..ومن بنت وواد فاسد..ومن واحد
شغله كاسد..ومن عين فلقت حجر ...ومن جنون البقر ..ومن عمر يروح هدر.
..ويكفيك شر القر ..و كل يوم على دماغك حر..ومن كل حرمة طلع لها شعر
.....هنا انتبه عقلى البويطنى المتجعلص جوايا ..قلت قدمك سعد عليا يما
..وضربت فى دماغى تركيبة النهاردة ....تركيبة تاخير نمو الشعر التدريجى
...ربنا يخليكى ليا يما .
كتير من العضوات و غيرهن ((اظن عربى فصيح))
اتصلن بى وكلمننى ...قاسى و الله ..علشان حاجة تؤخر نمو الشعر ...وده انا
كنت نزلته فى شركة من فترة و لقى استحسان واعجاب بعد تجربة كل المستخدمات
....وده ممكن يكون منه زيت او لوسيون او كريم ....انا شخصيا بحب الزيت و
اللوسيون لانه بيكون مركز اكتر..و بيستخدم بعد النزع المعتاد ...ركزو
معايا كدة علشان نعملها مع بعض
..التركيبة يعنى ...هههههههه

علشان
تبقو فى الصورة .....اعشاب تاخير نمو الشعر ..و لا اسميها منع نمو الشعر
...وده مصطلح ادق و افضل و اصح ...لانه بيكسر انزيم مسؤل عن نمو الشعرة فى
احد مراحل نمو الشعر الثلاثة ....اللى بيسموها ((الأناجين )) عشان خلق
الله اللى لابدين فى الدرة ..كنت باقول هذه الاعشاب
اما :
السعد
او الزنجبيل وده بيستخدم للغرض ده فى الصين
او كل عشب مخدر بجميع اجزاؤه ده كلام مش هتلقوه عند اى حد ..الا عند حكيم زمانه ..
يبقى
احنا محتاجين خلاصة واحد او اكتر من الاعشاب دى فى صورة قابلة للاستخدام
.......طيب نعمل تركيبة منهم مع بعض لزيادة المفعول او اتنين على الاقل
ناخد الاقوى
*25 جم سعد مجروش
25 جم بذر سكران ((وده اللى مخدر)) مجروش
200 مل زيت زيتون نقى
نضع
الاعشاب بعد خلطها فى وعاء استينلس ....ونضع الزيت و نخلطهم جيدا
....نضعها على نار اقل من هادية بحيث لا يصل اللهب للاناء ...نتركها ساعة
كاملة مع التقليب المتكرر..
*نتركها للصباح او اخر النهار ..
نصفى الاعشاب مع عصرها جيدا
احفظى الزيت الناتج فى زجاجة غامقة
انزعى
الشعر بطريقتك العادية المنايبة لك....ثم دلكى المنطقة بالزيت ...يوميا
لمدة اسبوع ..ثم مرتين اسبوعيا .....ستلاحظين تاخر نمو الشعر التدريجى مرة
عن مرة ...اخبرتنى بعض السيدات انها تحتاج لاجراء النزع كل ست اشهر ...وده
ممتاز
طولت عليكم جدا ... بس عارف انكم مستنيين التركيبة دى ..طبعا ممكن تكون لوسيون او كريم بس مهقدر اكمل اليوم
اتمنى لكم شعرا قليلا ....وزوجا هبيلا
وتصبحون على خير
د.حكيم زمانه

جزاك الله تعالى خيرا د . حكيم

[size=12][/sizeبص بقي يا حكيمو انا لسه مخلصة الوصفة حالا قولت اقولك علي النتائج المبدئية كمية الزيت الناتج نصف او اقل من الكمية الاصلية المضافة لون الزيت غامق بني يصل الي السواد و طبعا كثافتة عالية جدا انا لسه مجربتوش بس حبيت اقولك الشكل النهائي للزيت
انا عايزة اقولك اني فرحانة جدا لان دي تعتبر اول تجربة حقيقية لية في المجال ده و كمان لاني دوخت السبع دوخات لغاية ملقيت السكران هجرب الزيت و اقولك النتيجة و ان شاء الله تبقي تمام

وصفة رائعة يا دكتور
أنا باشيل شعري بالليزر تنفع استهدمها بعد الجلسات
يا ريت تقولي علشان ما اعملش حاجة غلط

الف شكر ليك وجزاك الله خير

اه تنفع يا جلورى جدااااااااااااااااااااااااااااا

العفو يا ناعسة

ممكن نتستخدم كريم السعد الجاهز من عند حراز ونستخدمه ازاى عشان انا حطيطه مرة وكسلت