افكار ديكور بسيطه

حركات بسيطه للديكور :


مره شفت في برنامج وحده جايبه اقمشه خفيفه مثل الشيفون كانت اقمشه عادييييييه جدا .. شفتها مره عندنا في الاسواق الشعبيه وابد ماراح تكلفكم شئ وبعدها جابت اكسسورات مختلفه اساور عريضه وكبيره تصدقون شفت نفسسسسها عند محلات ابو ريالين الي صارت كثر الهم على القلب نشوفها بس نستغرب مين يلبسها يعني هنا استغلال حلووو بكون لها .. خذي هذي الاسوار والقماش واشتغلي فيها هي اخذتها واستعملتها لطاولة الاكل وصارت مناديل خاصه

لكن احنا بنستغلها غير .. لو نجيب هالاساور وندخلها في القماش بشكل ضفاير او عقد وربطات مختلفه ونحطها مثلا برواز لاي صوره كبيره عندنا في البيت بيطلع شكلها رووووعه .. انا اشتريت القماش وحطيته من غير الاسوار طلعت مره حلوه لكن برضو يبغالها شوية حركات مو شرط اساور يعني مثلا نحط عيلها السلاسل الموجوده عند محلات ادوات الخياطه برضو هذي منتشره عندنا في الاسواق الشعبيه وعندهم اشياء حلوووه لو نستغلها صح ..
انا شفت عندهم سلاسل فضه طويله لو نبرم فيها القماش الي بنسويه على برواز الصوره برضو راح تعطينا شكل جديد ..

وفي فكرة عجبببتني شفتها في مطعم .. كان طالع من الجدار اشكال بارزه من بيوت قديمه الظاهر انه مسويها بالجبس .. احنا بنسويها بشكل بسيطه ومؤقت طبعا هي تصلح تكون في سيب بين الغرف او في غرف النوم ومابنسويه بجبس بنسويه بكرتون البيض ..
نفس الكرتون ناخذ التقاسيم حق البيض ونفككها قطع صغيره وبصمغ الخشب نجمعها ببعض على الاشكال اللي نبغاها قلوب .. دوائر .. ورد .. مثلثات .. اشكال كثيييره طبعا نسويها مجوفه يعني من غير مانسوي لها سقف .. ونخليها تنشف تتطلع ولا احلى جبس ومن غير تكاليف كمان ..
وفي داخل التجاويف نحط شمعات صغيره علشان كذا خليناها مجوفه وفيه الشمعات المعطره تطلع حركه .. حاجه جنااااان

وفي اوراق شوكلاته ماكنتوش اذا انتبهتو انهم غيروها صارت ورق سولفان ملونه حلوووه .. هذاك اليوم انا وصاحبتي اخذنا الاوراق نفسها صفطناها بشكل مثلثات وحطينها فوق بعض في الفاز وحطينا فوقها الشوكلاته طلعت حركه حلوووه للتقديم ...

ومن الافكار اللي سويتها اشتريت صندوق فضه وداخله قماش قطيفه ازرق لان الجدار صابغينه ازرق وطلعت من الصندوق مسبحه كبيره برضو زرقاء ورميت فيه كرستالات مائيه موجوده في ايكيا واسعارها يابلاااااااش .. وحطيت معاها ورد مجفف .. وجنبها حطيت صحن قزاز مسطح ابيض كبير ومليته بورد مجفف من كل الالوان علشان يناسب الكنب ... بس المشكله بالفرش الي المفروض اغطي فيه الطاوله ماعرفت ايش اجيبه قماش خفيف او يكون قماش صوف او قطن يعني احس لسه في مساحات فاضيه كثيييييره ...