حكيم زمانه

ملتقى الراغبين فى الثقافة الجادة و الحوار الهادف و المعلومة الصحيحة به عدد من الأقسام التثقيفية و الترفيهية و قسم لهواة الأعشاب و ما يتعلق بها
 
الرئيسيةالتسجيلدخول

شاطر | 
 

 التهاب المهبل و افرازاته

اذهب الى الأسفل 
كاتب الموضوعرسالة
حكيم زمانه
Admin
avatar

ذكر عدد الرسائل : 350
العمر : 48
تاريخ التسجيل : 18/05/2008

مُساهمةموضوع: التهاب المهبل و افرازاته   الجمعة نوفمبر 07, 2008 9:06 pm

اعضاء الجروب الموقر الموقرون (حلوة البلاغة دى ) اهلا بيكم فى حلقة جديدة
من برنامج وصفاتى غيرتلى حياتى ..تصدقو تنفع برضو ..المهم اتمنى تكونو
بتستفيدوا من وصفات الجروب اللى جايبة لى المشاكل دى ...الشركات هيسجنونى
الحمد لله ..و المنتجين اهدرو دمى ..و الكل بيحارب فى الغلبان حكيم زمانه
..بس اعمل ايه اتعلقت بالجروب ...و باذن الله اخرتها ....عيش ..و حلاوة
...بس خلو بالكم انا بحب حلاوة الرشيدى الميزان ..لانها انتاج بلدنا ..و
بتدفى اثناء قضاء ليلة شتوية فى منتجع السجن السياحى ..يعنى متسترخصوش فى
العبد لله ..و خلو العيش عيش من ابو ربع جنيه ..احسن بتاع الافران بقى
عامل زى قرص الجولة اللى بيرموه فى مسابقات الاولمبياد اللى بنحبها جميعا
..و بناخد فيها المركز ..الاول ...من القاع
المهم ..انهاردة و صفة
نسائية مهمة جدا جدا ..و يتعرض لها عدد كبير جدا من الستات العاملات وطبعا
معظم ستاتنا عاملات ...لانه من حق المراة ان تعمل وان تتشعبط فى الاتوبس و
ان تزاحم الرجل على طابور الانابيب ...و كيف لا و قد كفل لها القانون حق
الانتخاب و الانتحاب ((بالحة))و الالتهاب ..و الاكتئاب ...من حقك الان
ايتها الاخت ان تزقى الرجل من على سلم الاتوبيس فتجيبيله كسر رباعى ...ومن
حقك ان تدفعيه من على سلم المصلحة لكى يجيله غيبوبة مخية ابدية ..او مؤقتة
وانتى و زوقك باة .....طبعا نظرا لخروج المراة التى ترتدى الملابس الواسعة
جدا اللى بنشوفها حاليا ..والتى تحتاج لجل كريم حتى تتلبس ...ونظرا لطول
القعدة فى الشغل علشان نحكى و نلت و نعجن ...نظرا لذلك كله تتعرض الستات
لالتهابات مهبلية ..و افرازات و تغير فى الرائحة ...طبعا دى مصدرها اساسا
و غالبا فطرى ...بنوع يسمى كانديدا او ترايكوموناس ...او بكتيرى وده اقل
...طبعا قبل ماقول التركيبة ...احب انبه على قواعد عامة فى المسالة دى ..
*تجنبى سيدتى الثياب الضيقة كالجينز مثلا و نحوه
*غيرى ملابسك الداخليه يوميا
*اعتنى بالتنظيف السليم لهذه المنطقة ...طبعا عارف ان الاطباء يحذرون من الدش المهبلى اليومى ..وده صحيح ..خليه مرتين فى الاسبوع ..
*اكثرى من تناول الزبادى لانه مهم جدا فى مقاومة فطريات المهبل
*قوى جهازك المناعى بتناول الخضروات و الفواكه
*اكثرى من الثوم فى طعامك فهو من اقوى مضادات الفطريات فى العالم ..فص ثوم مقطع يوميا يسف مع كوب ماء رائع لذلك ...
*اذا اصبت باى من هذه العدوى ...فتجنبى العلاقة الحميمة حتى الشفاء ..او اعالجو انتو الاتنين ..
التركيبة غاية فى السهولة ...و العمليه و الفائدة ..:
نعناع فلفلى ..ملطف و قاتل للبكتريا 20%
مر مطحون 20% قاتل للبكتيريا و مضاد للالتهاب
زهرة الكالنديولا ..مضاد للفطر 20%
زعتر مطحون احد اقوى مضادات البكتريا 20%
زهرة الكاموميل ...مضاد للبكتريا و ملطف 20%
....استخدمى
الاعشاب المخلوطة بنفس النسبة ..بمعدل 3 ملاعق كبار لكل نصف لتر ..على نار
هادية جدا ..و يفضل حمام مائى لمنع تطاير الزيوت الفعالة ...اتركيها حتى
تصل اى كمية الماء للنصف ....صفى الاعشاب جيدا جدا جدا ...استخدمى الخلاصة
..مع اضافة 2 ملعقة كبيرة خل تفاح اصلى من السوبر ماركت و ليس العطار
...لهذه الكمية ..استخدميه كدش مهبلى قبل النوم يوميا لمدة 3 الى 5 ايام
...
ستتخلصين تماما من العدوى ..و مع استخدام الثوم سيتخلص جسمك تماما من العدوى ...و مش هترجع لك العدى لفترة كبيرة ...
اتمنى لكم صحة و عافيه ..وان تستفيدوا مما نقدم ..
د.حكيم زمانه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://hakeemzamano.hypeforum.net
 
التهاب المهبل و افرازاته
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
حكيم زمانه :: وصفات الجروب :: نسائيات جدا-
انتقل الى: