حكيم زمانه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

حكيم زمانه

ملتقى الراغبين فى الثقافة الجادة و الحوار الهادف و المعلومة الصحيحة به عدد من الأقسام التثقيفية و الترفيهية و قسم لهواة الأعشاب و ما يتعلق بها
 
الرئيسيةأحدث الصورالتسجيلدخول

 

 شعبان و حنان ..و حشرات الرأس

اذهب الى الأسفل 
كاتب الموضوعرسالة
حكيم زمانه
Admin
حكيم زمانه


ذكر عدد الرسائل : 350
العمر : 53
تاريخ التسجيل : 18/05/2008

شعبان و حنان ..و حشرات الرأس Empty
مُساهمةموضوع: شعبان و حنان ..و حشرات الرأس   شعبان و حنان ..و حشرات الرأس Icon_minitimeالجمعة نوفمبر 07, 2008 8:58 pm

المدارس بدأت طبعا و البت سهير و الواد مرسى ولاد حنان فى مدرسة حكومى
..طبعا نضافة ايه و هيجين ايه ..و العيال بيستحمو كل عيد ..و العيل ياكل
السندوشت و ينسى يغسل ايده ..او ميشغلوش ..و الطعمية على ودنه فى المدرسة
...و الفول شغال الله ينور ...و الكشرى ...مدرسة بأة ..امال احنا جايين
مثلا نتعلم ..لا سمح الله ..المهم البت سهير و الواد مرسى ياكلو و يهرشو
فى روسهم ..فزى متقول كدة و الله اعلم طلع لهم كائنات حية فى روسهم زى
متقول كدة سحالى صغيرة و حاجات بتسرح ..الحاجة حنان تنام جنب العيال ..صحت
انهاردة تهرش ..زغرلها شعبان ..ايه يا حنان اجربيتى الحمد لله ؟؟لا ابدا
يا شعبان انا بعدل التسريحة ...التسريحة و لا النيش يا فالحة
....كركركركر..ايه بس يا شعبو ..الواحد ميعرفش يظبط تسريحة شعرة فى البيت
ده ...ظبطى يا ستى ...اما نشوف .. المهم حنان حاسة باكلان فى راس اللى
خلفوها ..مش قادرة تتكلم ...سحبت نفسها و دخلت الحمام و هاتك يا هرش
...وخدت فرشة الحمام وهاتك يا دعك فى راسها ...زق شعبان الباب...يا نهار
اغبر ..بتسرحى بفرشة الحمام ...آه يا شعبان انا سمعت فى راديو الجى بى سى
ان فرشة الحمام بتودى قشر الشعر بالذات لو كانت بقالها فترة ..يااااااااه
ده الطب اتقدم يا بت ....اه طبعا امال ايه يا شعبان ...تصدقى فعلا انا
شايف القشر سارح اهو ...قشر ايه بس يا شعبان ..ده ترتر....ترتر فى عنيكى
قليلة السحوم ده شكل ترتر يا بت ؟؟؟اه ترتر شبعان شوية يا شعبو ...شوفى يا
بت روحى شوفى لك صرفة فى الترتر ده عند امك ام ترتر...و لما تتعلمو السحوم
ابقى ارجعى ....جتكو نيلة ..
يدخل حكيمو على المرسح و يمسك المايك و
ويتمتم بصوته الرخيم ((مش الرخم)) اللى يشبه صوت حساكة شوبير بتاع برنامج
وشوشنى على الاف ال ..الذى لقى نجاحا مقطوع البعير امال طبعا مينجحش ليه
..كل زبون مشى مع زبونه تلاتيام حبها و بيشكى مر الشكوى من فراقها ..يا
حساكة هجرتنى ..يا حساكة خدعتنى ..خانتنى مع اقرب الناس ليا يا حساكة ..مع
امى ..تتسور..صوء صوء صوء ..مش ممكن الحب تفلشح بالشكل ده عمنا حساكة
..زمان كان الحب غير ده خالس..مش عارف كان ازاى بس كان غير كدة ..كان
الراجل يحب الست يلاقيه بيحبها ..انا مش متسور ...اه اسف انقطع الخط
..ومعانا زبونه على الخط نقول ...و لا بلاش ... نقول تركيبتنا انضف ..
طبعا كلكم ناصحين و عرفتو هيه اكيد لايه ...
بصراحة
حشرات الشعر مشكلة فعلا ..خاصة فى المدارس لالتقاء الناس ..و تقاربهم
...لازم نظافة ..عنايه ..وقايه ...ولو فى اصابه يبقى بعد عن المصدر
..ووقايه شخصية ده باختصار...و من الجميل ان البدائل الطبيعية كثيرة جدا
للموضوع ده ...ومفيدة جدا و تكاد تكون اقوى من الكيماوى الموجود فى السوق
ولكنى هقولكم المجرب منه ..فى برنامج بستخدمه للحالات دى ..و باذن الله
ميكونشى فى عدوى ..و لو فى تستفيدو بيها جدا ...ركزو
4 فنجان خل تفاح طبيعى ..مش من عند العطار من السوبر ماركت
4 فنجان ماء ..من الحنفيه عادى شغال
معلقة كبيرة زيت زعتر اساسى او زيت ينسون اساسى
**يخلط
الجميع و يستخدم طبعا مع مراعاة عدم دخوله العين و ان تجربى جزء منه
كاختبار على عنق الطفل او المستخدم عموما ..لو فى اى حرقان خففيه شوية
بالماء لو مازال الحرقان او الحمار لا تستخدميه
الاطفال من 7 سنين فاكثر استخدمى نصف فنجان للراس
الاطفال الاقل استخمى ربع فنجان ..كل ده مساء و يترك ..
**دعيه
يجف ..ثم دلكى راس الطفل بزيت زيتون نقى ..ودعيه ...مشطى الشعر لتخلص من
كل الحشرات طبعا بمشط ضيق الاسنان ..ثم اشطفيه بالشامبو المناسب ..
*كررى ذلك مرتين اسبوعيا لمدة 3اسابيع متتاليه لابادة كل الحشرات و البيض
اتمنى تكون عجبتكم و هتفيدكم باذن الله جدا
وشكرا لكم
د.حكيم زمانه
الرجوع الى أعلى الصفحة اذهب الى الأسفل
http://hakeemzamano.hypeforum.net
 
شعبان و حنان ..و حشرات الرأس
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
حكيم زمانه :: وصفات الجروب :: وصفات الشعر-
انتقل الى: