كل
سنة و حضراتكم بكل خير و صحة و عافيه و اتمنى اكون بقدم شىء يفيدكم ..و
اشكر جدا كل من اتصل او شكر او ارسل مجاملة لطيفة ..وربنا يديم المعروف
..واتمنى لو فى اى اقتراحات او طلبات للاعضاء ان يضعوها فى الجروب سواء
على الوول او فى رساله خاصة ليا ...ولازم تعرفو ان الحمد لله هذا المجال
من اجمل و اقيم و اضخم و افخم المجالات ..وان الابتكار فيه شىء جميل و
مفيد جدا خاصة لمن درس و طبق سواء فى التركيبات التجميلية او العلاجية
اللى هيه الاساس فى تخصصى ..وبعض الاعضاء كان طلب منى ورشة عمل لتعليم اسس
التركيبات ...احب اقولكم انى عملت كذا ورشة بس المشكلة انها لا تكتمل على
الوجه الذى ارضاه لقلة العدد و عدم توافر الامكانات اللازمة ..لانه علشان
نعمل ورشة عمل قوية مش اقل من 100مشترك للوصول الى مستوى جيد ..وحتى ذلك
الحين مش هقدر انفذ هذه الخطوة ...بعض الاعضاء طلب منى طريقة عمل
التركيبات الخاصة بى مصورة وربنا يسهل و اعمله قريب فى اسطوانات ..بعض
الاعضاء ايضا طلب توفير التركيبات جاهزة وده صعب لانى مش هنتج كل ده
ككميات بسيطة وانا بحاول اسهل لكم فى التركيبات جدا حتى يسهل تركيبها ..و
باذن الله انا بحاول اوفر الخامات نقيه و موافقة للمواصفات فى مكان محدد
قريبا ..اتمنى مزيد من التفاعل و التواصل علشان اتشجع اكتر و نستمر فى هذا
الجروب اللى ازعم انه من احسن جروبات الفيس بوك ..و لا ليكم رأى تانى ؟؟؟
معلش
انا بطل قصة النهاردة ..لان سمير و عبير متخاصمين ..و شعبان من اليوم اياه
فى المستشفى ..و طبعا هوثه مش فاضيلنا ..بيدى للكلب شور
النهاردة
هديلكم تركيبة رائعة و فعالة بشكل جيد ..و بسيطة فى منع ....و علاج او على
الاقل التخفيف من علامات التمدد اللى بتظهر فى الحريم غالبا بعد الانظمة
الغذائية او الولادة او حتى من غير سبب احيانا..وعاوز اقول انى دى غالبا
ما تكون من فقد مرونة الجلد او اخد عناصر المهمة لمرونة الجسم ..هتعجبكم
جدا...و هتفيدكم ان شاء الله ...
التركيبة تتكون من الاتى :
ربع فنجان زبدة كاكاو ..هنجيبها منين يا حكيم ..دى شركة بالمرز منزلاها كمنتج هتلاقوه فى الصيدليات الكبيرة
معلقة كبيرة زيت جنين القمح
معلقة صغيرة زيت سمسم
معلقة صغيرة زيت لوز مر طبيعى نقى
10 كبسولات فيتامين هاء اى يعنى من الصيدليه
معلقتين صغار شمع عسل
10 نقط زيت لافندر
هنحط
زبدة الكاكاو فى اناء استينلس ..نضيف لها الشمع و بقية الزيوت ..و نثقب
الكبسولات و ننزل محتوياتها فى نفس الاناء ..نضع الجميع فى حمام مائى
..لحد مكله يسيح و يختلط كويس ..ننزله من على النار وقبل ميبدأ فى التجمد
ليكون دهان نضيف زيت اللافندر لانه زيت طيار لو حطيته على الساخن هيضيع
...ممكن تعبيه قبل ميتجمد فى عبوات شيكو تستخدميه يوميا صباحا و مساء ...و
طبعا كل حامل تبتدى تستخدمة من الشهر الرابع ..علشان تظل البشرة مرنه و لا
يحدث اى ترهلات ..و برضو بعد الولادة لفترة ..كل اللى استخدموه بهذه
الطريقة قالو ان العلامات مظهرتشى خالص او بطريقه ضعيفة جدا
***ملحوظة فى غاية الاهمية : التركيبات كلها للاستخدام الشخصى و ليس التجارى ..و من اراد بيعها فلينسبها لصاحبها على الاقل
شكرا جدا ليكم
د.حكيم زمانه
الثلاثاء سبتمبر 16, 2008 5:24 pm