لا ننسى اجدادنا وجداتنا فى رمضان

ل
وعام وانتم بخير و امهاتنا و اجدادنا و جداتنا بخير ...طبعا و الله انا لا
انسى ابدا جداتنا و اجدادنا و اعتبر انهم همة البركة التى بقيت فى هذا
الزمان القليل البركة ....الكثير الهيافة ...حتى انهم عملولنا جروب سموها
انتى هيافة ...على وزن انتى بيوتك...و ليهم فعلا حق ..لان الهيافة اصحبت
زى الوباء فى هذه الايام..فلازملها مضاد هيافى عالى التركيز ...وممكن نخلى
شركة ادوية تعمل لنا مضاد للهيافة هيافوسين 500مجم ..يتاخد قبل الخروج بنص
ساعة...
لا اتخيل ان واحد فينا لم يتاثر بجده او جدته ...ناس كانو فى
منتهى البساطة و الصفاء و القدوة الجميلة ..معلش اجيب كلينكس بس علشان
الدمعة فرت من عيناى ....
من اشهر الامراض فى كبار السن ...والتى يعانى
منها معظم اجدادنا و جداتنا ..هى التهاب المفاصل و تورم الركبتين
...وعلشان نكون صرحاء انا لم ار فى طائفة الادوية الكيماوية علاج جذرى
لهذه المشكلة ...كلها من طائفة مضادات الالتهاب سواء كانت من الاسترويدات
اى الكورتيزونات او غير الكورتيزونات ...وكلاهما كما لا يخفى على احد فى
منتهى الخطورة ...على الاستعمال الطويل و الذى غالبا ما يكون فى هذه
الحالة ..سواء على جهاز المناعة او المعدة او غيرها ....
فى جانب
الاعشاب يبرز عدد كبير جدا منها كمضادات للالتهاب و مضادات للتورم و
مضادات للروماتيزم ....وفى غالب الاحيان تكون فعالة بدرجة جيدة جدا
....وفى بعض الحالات التى مرت على شاب كان يعانى من التهاب مفصلى فى مفصل
الكتف ..وده شائع فى العمال اللى بيرفعو اشياء ثقيلة و بيستخدمو اديهم
بشكل قاسى ...وطبعا كان بيستخدم مضاد التهاب غير كورتيزونى زى الفولتارين
او البروفين او حتى الاندوميثازين ..ومحسش بتحسن مستمر ..لانه غالبا تخفى
الادوية الاعراض و لا تعالجها فى كثير من الاحوال ..بفضل الله اعطيت لهذا
الشاب تركيبة عشبية اتت بنتيجة ممتازة جدا فى غضون شهر وده فى مقياس
احصاءات الدواء ممتاز جدا ..
مش هطول عليكم ...هديلكم النهاردة تركيبة
لالتهاب المفاصل وتورمها خاصة الركبة ...المنتشرة جدا هذه الايام ..بس
طبعا لازم تبقو عارفين ان الاعشاب تحتاج لفترة حتى تعطى النتيجة المطلوبة
...مش من اول قرص هتحس بتحسن على غير ما هو معروف فى الادوية الكيماوية
..ولكنها تعطى نتايج طويلة المدى و علاجية مع الاستخدام الصحيح..
التركيبة تتكون من التالى :
كركم
مطحون وده من اقوى مضادات الالتهاب بما يحتويه من مادة الكركومين و
الابحاث قائمة على قدم و ساق فى هذا الموضوع وكثير من التجارب السريرية
تعطى نتائج احسن من الايبوبروفين و االفينيلبيوتازن الكيماوى مع مدى اطول
و اقوى ...ده بنسبة 50%من التركيبة
زنجبيل مطحون ...وصيف الكركم او
الكركم وصيف الزنجبيل ...من اجمل و اقوى مضادات الالتهاب وهو مع الكركم
يقوى بعضهم تاثير الاخر طبعا ده بنسبة 25%
مر...وهو يسمى بالكورتيزون
الطبيعى مضاد للالتهاب و التورم وسحرى فى كثير من الحالات ...وسيكون لى
معه وقفة ...غير وقفة العيد طبعا ..وهذا بنسبة 25% من التركيبة
*اخلط الاعشاب جيدا ....استخدمها كسفوف يومى ...بمعدل ملعقة صغيرة صباحا و مساء .....لمدة ثلاثة اشهر ...
افضل وضعها فى كبسولات عيار 500مجم ودى بتتباع عند بعض العطارين ويستخدم 2كبسوله 3مرات بعد الاكل
**لاحظ
انك تاخذ دواء فلابد من معرفة اى دواء تستخدم معه حتى لا تحدث اى تفاعلات
عشبدوائية و خاصة ان كبار السن يتناولون عددا من الادوية
**استمر فى اخذ التركيبة لفترة حتى تحس بتحسن و ستلاحظ من اول شهر ذهاب الورم و بدء عودة المفصل لطبيعته
*الاعشاب دواء فلاحظ رد فعل جسمك لها و هل تعانى من اى اعراض اخرى غير مشكلة المفاصل حتى يمكن تظبيط التركيبة حسب وضعك
شكرا لكم وربنا يبارك فى اجدادنا وجداتنا ويشفى الجميع
د.حكيم زمانه .