كل
عام وانتم بخير ....دخلنا فى الجد وبدأ رمضان ...وربنا يتقبله من الجميع
ويخفف الصوم يا رب علينا فى الحر ده...وبالذات للناس اللى بتشتغل فى غير
المكاتب وتحت اشعة الشمس او حتى اللى فى المكاتب اللى زى علب السردين
...وطبعا حاولو متاكلوش اى منتجات عالية الملح فى السحور او قبل النوم
لانكم هتحاربو طول النهار ....كمان قللو من المنتجات عالية السكرية لانكم
برضو هتعطشو لان الاتنين بيسحبو كمية مية من الدم بطريقة الازموزيس اللى
هيه فرق التركيز من الامعاء و الدم...مما يجعل نسبة الماء تقل فى الدم
فيحتاج يرفعها فتشتغل باة الاشارت ..اعطونى يا خلق شويه ميه..طبعا ده الدم
للعقل ..ونتا يا ولداه تختار فى النص ..وتعافر لحد ما المغرب يدن او
تعملها و تفطر ..وربنا يستر ..
النهاردة قلت اجيبلكم وصفة سريعة
للتقليل من العطش ومقاومتة و هية وصفة مجربة من زمان و بيستخدمها كل اللى
بسافرو الصحارى و الفيافى و القفار ...وهية بسيطة اوى
2 معلقة بذر رجلة مطحونة
2 معلقة خل تفاح
كوب ماء
اضف
الخل للماء ثم اضف البذور و حركها ثم اشرب الكوب بمحتواه ..طبعا ده قبل
السحور بشويه ....و اتسحر عادى و اشرب كمية من الماء ....باذن الله هيقل
الاحساس بالعطش جدا
اتمنى لكم صوما مقبولا ..و عطشا قليلا
د.حكيم زمانه
الثلاثاء سبتمبر 02, 2008 12:36 pm