حكيم زمانه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

حكيم زمانه

ملتقى الراغبين فى الثقافة الجادة و الحوار الهادف و المعلومة الصحيحة به عدد من الأقسام التثقيفية و الترفيهية و قسم لهواة الأعشاب و ما يتعلق بها
 
الرئيسيةأحدث الصورالتسجيلدخول

 

 رمضان و مشاكل الهضم و الانتفاخ

اذهب الى الأسفل 
كاتب الموضوعرسالة
حكيم زمانه
Admin
حكيم زمانه


ذكر عدد الرسائل : 350
العمر : 53
تاريخ التسجيل : 18/05/2008

رمضان و مشاكل الهضم و الانتفاخ Empty
مُساهمةموضوع: رمضان و مشاكل الهضم و الانتفاخ   رمضان و مشاكل الهضم و الانتفاخ Icon_minitimeالخميس أغسطس 28, 2008 3:17 pm

كل عام وانتم بخير _تانى_رمضان على الابواب ..ومع ان رمضان هوة شهر الصيام
اللى يعنى الامتناع عن الطعام ..الا انا بنجد فيه مفارقة عجيبة وهى
الاكثار من الطعام بعد المغرب و الحشو الزائد والبلع عمال على بطال بعد
المغرب..ولذا و استجابة لعدد من الاعضاء اللى اقترحو عليا ان اضع تركيبة
لسوء الهضم او الانتفاخ او الاتنين مع بعض ...قررت ان اجعلها النهاردة لان
رمضان خلاص ....
طبعا الموضوع طويل ومش سهل ..وانا كنت بعت رساله
للقولون العصبى ...وهى وان كانت حالة مقاربة الا انها تختلف عن الانتفاخ
وسوء الهضم وان كانت احدى اعراضه...
تعالو بس كدة نشوف ازاى بعض
الاعشاب بتشتغل على الجهاز الهضمى و مشكلة الهضم و الانتفاخات ...و هاختصر
طبعا علشان متملوش وركزو بس معايا كدة ....
الاعشاب اللى بتشتغل فى وظيفة الهضم تنقسم الى عدة انواع
اولها
: الاعشاب القابضة ودى تحتوى على مادة اسمها التانين او العفص بالعربى ودى
هيه المادة القابضة واللى بتتحد مع البروتين المبطن للامعاء وتعمل حاجز
يمنع غزو البكتريا لجدران الامعاء وبكدة يقل الالتهاب وتزداد كفاءة الجهاز
الهضمى و تقل بالتالى مشكلة سوء الهضم او تخمر الغذاء ..وكمان الاسهال
...من امثلة الاعشاب دى
*الغافث
*البلوط
*الهماميليس
*التوت الاحمر
*ملكة المروج
*الاخيلية
ثانيا
وبسرعة كدة احسن انضرب:الاعشاب المرة ودى بتفتح الشاهية عن طريق زيادة
افراز العصارت الهاضمة ..و بتحفز افراز الانزيمات الهاضمة ..و لها قدرة
على تقوية الجهاز الهضمى بشكل عام و اعادة بناء نفسه و اصلاح مشاكله
ومن
الجميل ان الاعشاب دى بيبدا عملها من الفم ..من خلال الحساس بالمرارة من
اماكن التذوق فى اللسان اللى هوة كدة التلت الاول وبعدين باة اشارة تروح
للمخ ومنه للمعدة فتفرز عصارة اكثر والامعاء فتفرز عصارة معادلة و انزيمات
معوية و بعدها الكبد تفرز الصفرا فيلم كبير اخره ..تحسن الهضم ووظيفة
الجهاز الهضمى مما يعنى قله تخمر و قله انتفاخات ,,من امثلة الاعشاب دى
*الافسنتين
* الاخيلية
*البرباريس
*القنطريون
*الطرخشقون او الهندبا بالبلدى
*الجنتيانا ودى من اقواها
ثالثا
..معلش يا جماعة ايدى كلتنى ومش عارف اوقفها ..: الاعشاب الملطفة ..ودى
اللى بتحتوى على صموغ ..اللى بتتحول لمواد تعمل على تهدئة جدران الجهاز
الهضمى و امتصاص السموم من سطحة و التقليل من حركته ...وده طبعا يؤثر
ايجابا على الهضم و كفاءة الجهاز و يقلل من الانتفاخات و التخمرات ..من
امثلة النوع ده
*عرق السوس
*الحلبة
*البوقيصا
رابعا ..اعشاب
الهضم المهدئة للقولون و دى طبعا اللى بنستخدمها غالبا فى حالة القولون
العصبى طبعا مع غيرها ..ودى وظيفتها التقليل من تقلص الامعاء و رد فعل
الامعاء للغازات ..ومن امثلتها
*الميليسا
*البابونج
*اللافندر
*خامسا
: الاعشاب الطاردة للغازات ..ودى غالبا غنية بالغازات الطيارة و بتعمل على
طرد الغازات بميكانيكية معينة و تهدئة حركة القولون ومن اشهرها
*الكمون
*الكراوية
*الزنجبيل
*النعناع العادى و الفلفلى
*الانيسون الينسون يعنى بالبلدى
*الحبهان ..وغيرها
سادسا
: الاعشاب المحتوية على انزيمات هاضمة تهضم البروتينات و غيرها ..ودى
بتساعد الانزيمات الطبيعية فى الوظيفة و تقلل سوء الهضم من خلال هذه
الطريقة ...من امثلتها
*الاناناس اللى بيحتوى على البرومالين الهاضم
*البابايا المحتوية على البابين وده جيد جدا للهضم
طبعا
تقلت عليكم و غلست ..بس كلام كان لابد منه ...علشان بكرة باذن الله نعمل
اقوى تركيبة طاردة للغازات و مضادة للتخمر و مهضمة ....استعدادا لرمضان
شهر ...ال ايه الصيام
واسف للازعاج ...وشكرا لكم
د.حكيم زمانه
الرجوع الى أعلى الصفحة اذهب الى الأسفل
http://hakeemzamano.hypeforum.net
 
رمضان و مشاكل الهضم و الانتفاخ
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
حكيم زمانه :: وصفات الجروب :: وصفات علاجية عامة-
انتقل الى: