بفتكر زمان كان بييجى اعلان ((مش عارف انام منه يا اخويا ..عمال يقرص فيا
يا اخويا ومش عارف انام))وبعدين بأة يجيبو اقراص كيتو وينام الزبون مرتاح
البال وحزين ...قصدى وهادى...قلت يا انا يا الناموس فى البلد
دى...بالمناسبة بفرح قوى و عربيه الرش دى ماشيه و عماله ترش فى الدخان على
خلق الله ....وتلاقى كم واحد داخ واغمن عليه ...والناموس طالع رافع راسه
وبيقول يا متخنا ومغذينا يا مكبرنا ومقوينا.. المقصود..
طب مالك انت و
مال الناموس يا حج حكيم ...حاشر نفسك فى كل حاجة ..حتى الناموس هتفتى فيه
...طبعا مش احنا خدنا تشريح الناموسة ..وكيف تتنفس الناموسة ..وكيف تطير
الناموسة ...وكيف تلدعك الناموسه تقومك فى عز الليل..بس نسو بصراحة يدولنا
..كيف تتخلص من الناموسة بنت الايه دى..مش عارف همة اللى نسو ....و لا
الناموسة
**خلاصات كثير من الاعشاب تطرد الناموس و تمنعه من الاقتراب
منك بيسموها طوارد الناموس ...وبرة بيستخدموها بما ان بلادهم مش ((نديفة))
ومعندهمش وعى ((نزافى)) وطبعا الاهم ان معندهمش عربية رش البنى آدمين
..قصدى الناموس...فبيستخدمو الطوارد دى فى بيوتهم و رحالاتهم ...واللى
ميشترى يتفرج..عفوا ..يتقرص ..
هديلكم انهاردة تركيبة و الله حلوة جدا
تعملوها فى بيتكم...و ممكن البيت اللى جنب بيتكم برضو..وسهله وبنت حلال
متصفيه بمصفى خرومها واسعه..بنت حلال قوى يعنى...
تتكون من التالى
*20 جم ورق كافور مجروش
20جم فوتنج بيسموه فليه بتشديد الياء..عند العطارين كتير
*20 جم ورق روزمارى مجروش
*150 مل زيت زيتون
*اخلطى
الاعشاب المطحونه سويا جيدا ...وضعيها فى اناء ستينلس ..اغمريها بالزيت
....ضعيها بالاناء فى حمام مائى لمدة ثلاثة ساعات مع التقليب كل ربع ساعه
..
*اتركيها تبرد ..صفيها من شاش تصفيه مع عصر الاعشاب جيدا
*لديك
الآن زيت قوى لطرد الحشرات يحتوى على اقوى طوارد الناموس ..يمكن استخدامه
كدهان مباشرة ....او اضافه نسبه معينه من مذيب كالكحول لاستخدامه كاسبراى
للجلد او حتى الغرفة .....او اضافه شمع عسل بنسبه لتحويله لدهان كالمرهم
..او تحويله لكريم باستخدام شمع استحلاب و قليل من الماء ...كل هذه
الخيارات الغير عسكريه موجودة و مفيدة وفعاله ....وفى نهايه البرنامج احب
اسمع اغنيه ...ياللى قرصك الناموس خد تركيبه من غير فلوس ....وشكرا
للمواطن ..حكيم زمانه
د.حكيم ناموسوف
الإثنين أغسطس 25, 2008 3:24 pm