قرر حكيم زمانه ان يطارد الصراصير فى هذا الصيف ...وبحث عن اقوى التراكيب
الممكنة لهذا الغرض ...وقد اوضح سيادته ان صراصير مصر مستفزة ...هوة ايه
فيكى يا بلد مش مستفز...ولكنه لن ييأس وسيظل مع محدودى الدخل ..يقصد
مقطوعى النعل ..يعنى مهروسى الرجل ..يشير الى الجرجير و الفجل ..مش عارف
ايه اللى دخل الفجل و الجرجير هنا بس الآفيه حكمت ..ربنا ميحكم عليكم آفيه
...
طبعا الصراصير هرياكم ..أعى ذلك تماما..على رأى الدبلوماسيين..ومن
أجل ذلك...رشحت نفسى ..وجعلت شعارى فى هذه الحمله ...حكيمو نصير ..مكافحة
الصراصير..رمز البلاعة هههههههه
كفايه ضحك ونتكلم عن تركيبه كنت
استخدمتها منذ فترة لمكافحة الصراصير فى بيتنا العزيز..بيت العز يا بيتنا
..وكانت بفضل الله قاهرة للصراصير ...واندحر العدو بعد اول ضربه ارضيه
..تحت النمليه ....حلوة دى
الغريب انى لقيت ناس منزلاهة جاهزة بعد كدة
تحت اسم عجينه الصراصير ((الغير فعالة ))مقارنة بتركيبتى ....لماذا
...سيدتى ؟؟هلى سالتى نفسك هذا السؤال ؟؟الجواب اسفل الصفحة ..
تتكون التركيبة من التالى :
بودرة حمض البوريك 200 جم
سكر مطحون 100 جم
دقيق قمح 100 جم
اخلطى الجميع جيدا ....و اعجنيهم بكمية من الماء تكفى لعمل عجينة جيدة سهلة اللصق ...
كونى
منها قطعة صغيرة ..و الصقى القطع فى مراكز بيع ...سورى فى اماكن تراكم و
توالد وتغلغل و تسرب و تخندق و تبرعم و تجوصل ..كفايه كدة ..الصراصير
..ستحسين ابتداء بهجوم صراصيرى بشع ..غير انك لا لتلبثين ان ترتاحى منها
..باذن الله بغير عودة ....وربنا يستر علينا من صراصير السو..ومنلاقيش
زعيم الصراصير ...قد اهدر دم ..حكيم زمانه
د.حكيم زمانه
الإثنين أغسطس 25, 2008 3:17 pm
