كانو زمان بيقولو رمش عينه اللى جرحنى ...ودلوقتى البنات بيقولو رمش عينى
بحبو محنى ...عاوزاه طبعا طويل و عريض ..سورى ومنحنى يلامس عنان السماء
...وربنا يستر على الشباب من الجروح اللى ملت الدنيا ....دى مطاوى يا
رجاله ...واخترعو الصناعى و البلاستيك و اللاصق و العايق و المضايق..وعلى
كل لون ..يارموش...
كانت اخت فاضلة طلبت منى تركيبة لعلاج تساقط الرموش
و تطويلها ...طبعا عاوز اقول ان احد اسباب تساقط الرموش هى القشرة اللى
قلنا قبل كدة ان سببها فطر على ارجح الاقوال ...يعنى لازم حضرتك تعالجى
الفطر ده ..علشان نتخلص من القشرة وهوة طبيعى سينمو تلقائيا ويصبح زى منتى
عاوزاه ..طبعا احيانا فعلا بيبقى ضعيف النمو او قصير ...احيانا يكون السبب
نقص فيتامينات ودى حالة متكررة و كتيرة ...طبعا ينصح معها بتناول
الفيتامينات و لله الحمد الخضروات و الفواكه غنيه بمعظم الفيتامينات
المفيدة للعين و الرموش و الجلد ..ولذا انصح بالاكثار منها لانها مفيدة
علاجيا و تجميليا جدا ....حتى ان نصائح اكبر عشابى العالم ((قاتل من اجل
خمس حصص من الخضروات )) اى خمس وجبات يوميا من الخضروات و الفواكه
المختلفه ...
اليوم جبت لكم برنامج لتطويل وتكثيف الرموش ...اكيد بعضكم عارف بعضه ..بس طبعا فى زيادة منى مجربه ...وحكيم زمانه عنده كل جديد..
يتكون البرنامج من الآتى :
*ملعقة
كبيرة عشبة القمح مطحونه ...وعشبة القمح دى لها عجائب و فرائد واكيد
حضراتكم قريتو عنها او استمعتو للدكتور الرائع جميل القدسى دويك احد
المتخصصين فى اطعمة و اشربه القرآن ...وانا شخصيا اعتبره افضل من تكلم فى
الطب البديل ...لانه عنده خلفيه طبية كونه طبيب..وباحث ممتاز فى هذا
المجال ..عشبة القمح هى النبات الاخضر بتاع القمح الاجزاء الهوائيه يعنى
بعد انباته وظهور الكلوروفيل بعشرة ايام على الاكثر
*مخلوط من الزيوت الآتيه
زيت الخروع 15 مل
زيت الجزر 5 مل
زيت الزيتون 5 مل
الطريقة
: ركزى معايا ....نغلى كوب ماء و نسكبه على عشبة القمح المجففة المطحونة
.....وتترك حتى تبرد ....خدى سيادتك قطنه نظيفه ...وتعملى كمادات مبلله
للقطنة على الجفن العلوى و السفلى ..يعنى غمضى وحطى القطنة المبللة قوى
..دقيقة و شيليها وكررى العين التانيه ...نعمل كدة مثلا ربع ساعه ..
*نخلط
الزيوت كويس و نضعها فى زجاجة شيك ..وبماسكارا ((بالكاف)) نستخدم الخليط
زى مبتستخدمى الماسكارا بالظبط ((برضو بالكاف )) خدتو بالكو مره صباحا و
مساء او مساء لو الصبح مش فاضيه ...
*استمرى على ذلك شهر .....و لاحظى الفرق
**هذا
البرنامج فعلا ممتاز وعشبة القمح فيها كم من الاحماض الامينية البروتينات
يعنى اظنها السبببف ى اطاله الرموش و تكثيفها ..والزيوت خلطة مبتكرة و
رائعة لذلك من ابتكار العلامة حكيم زمانه ...هههههه
اتمنى لكم رموشا اطول ...وشعورا اتقل ....وشكرا لكم
د.حكيم زمانه
الأحد أغسطس 24, 2008 6:56 pm
