مرحبا بكم فى جروبكم المفضل ..بالعافيه باة .....قلت مفضل يبقى مفضل
...طبعا احنا فى الصيف ..معلومة جديدة ..يكثر فى الصيف انتشار ما يسمى
بفطريات القدم ...وهو نوع من الفطريات تنمو بين اصابع القدم و تسبب حكة و
هرش و تغير فى الرائحة ...بيسموها قدم الرياضى ..بس انا بفكر اغير الاسم
ده و اخليه ((قدم المصرى)) لانه قلما يخلو منه قدم مصرى ..طبعا لان البيه
قاعد بقى له عشروميت ساعة على المكتب وحاطط رجله فى الحذاء ..هوة البيه
مبيعملشى حاجة على المكتب بالتاكيد...بس هوة كدة لازم يفضل قاعد لما يلزق
فى الكرسى ...ولذا يقدم تيفال زهقان و لاول مرة فى مصر المحروسة ..كرسى
محمد صبحى التيفال...لاموظف يلزق والقعدة خيال ....فقط بسعر التكلفه
...هنديلك كرسى بسعر تكلفة عشرة كراسى ...هديه من تيفال
...زهقان
جبتلكم
النهاردة ....اقوى و اعنف و اشرس تركيبة لمقاومة هذا الفطر ..و الله
ياجماعة تركيبة بسيطة جدا ..ولا تحتوى على اى مادة ضارة ..بالعكس دنتا
هتاكل صوابعك و راها ..هههههههههه
تتكون التركيبة من التالى :
100 جم عسل ابيض نقى
خمس فصوص ثوم تقطع قطع صغيرة
يغمر الثوم فى العسل و يترك لمدة اسبوعين فى مكان مظلم
يزال الثوم من العسل و يحفظ العسل فى قطارة او زجاجات صغيرة
بمجرد
متشوف حد عنده قدم المصرى ..قصدى العدوى الفطريه اللى بتصيب ما بين
الاصابع ..بلل قطنه بالعسل او نقط نقاطا بسيطة على مكان الاصابه ..و ارتك
القطنه لمدة كافيه لامتصاص و تفاعل التركيبة مع الفطر ...اغسل قدميك و
جففها .....اعتقد جازما انك لن تحتاج الى اكثر من مرة ..و تتخلص نهائيا من
هذا الفطر .....طبعا التركيبة تنفع لاى فطر فى اى مكان ..او حتى عدوى
بكتيريه..وباذن الله هحاول اعرفكم ايه هوة التوم كعلاج ممتاز لكتير من
الحالات الخارجية و الداخليه
...طبعا انا عارف ان فى كتير من منتجات
القدم الرياضى العلاجية التقليدية ..على راسها الكلوتريمازول و
الفلوكونازل ....وعيله زول تمن ..بس من غير اى مبالغه بقول ..التركيبة دى
اقوى من كل هذه المنتجات ...الضارة بالكبد((حته خبيثة كدة )) عارف
شكرا ليكم
د.حكيم زمانه
الأحد أغسطس 24, 2008 6:52 pm