طبعا جاء الصيف ...ويحلو الذهاب الى المصيف ....ويتعرض من يذهب للمصيف الى
اشعة الشمس المباشرة فى اوقات شدتها ..وتحتوى على الاشعة فوق البنفسجية
التى تخترق الانسجة ...فتسبب
*التهابا و احمرارا للبشرة وقد يسبب الى تقشرها
*مما يدعو الجسم كميكانيكية دفاعية ان يزيد صبغية الميلانين تصنيعا ربانيا ليحد من اختراق الاشعة الغازية فيسمر لون البشره
*قد يصل الامر الى حرق من الدرجة الاولى للاغشية الجلدية الداخلية ....
*****هام جدا : كثرة التعرض للاشعة فوق البنفسجية فى وقت ذروتها ولفترات كبيرة و مستمرة ..قد يؤدى الى سرطان الجلد ....
لذا فخلوبالكم ...من عيالكم ...
***طبعا
كله هيروح يجرى علشان يشترى سن بلوك ...او بالبلدى واقى شمس ....طبعا واقى
الشمس غالى جدا ....لان شركات التجميل عارفة السكة للجيوب ...طولت عليكم
...باختصار ...هديلكم طريقة بسيطة توفرو بيها فلوس الواقى ده و تعملوه
بنفسكم ..كفايه ارتفاع الاسعار اللى احنا فيه ...واللى مش عاجبه التركيبة
يشتريه من شركات التجميل الفرنسية العالمية المغلوانية المتحدة ...
***مش عاوز اعقد المسالة فالحياة مش ناقصة تعقيد ..سيادتك هتعمل او تعملى الاتى ..
_تشترى كريم ايفا بالصبار للشعر من اى صيدليه وزن 100 جم
_تشترى اكسيد زنك طبى من الصيدلية برضو طبعا ممكن 50 او 100 جم على الاكثر
_تشترى حاجة اسمها اكسيد تيتانيوم من الصيدليه برضو مش اكتر من 50 جم ...لو عرفت يعنى ..
_فى اناء ستينلس صغير فضى الكريم و حط عليه ملعقة صغيرة اكسيد زنك و ملعقة صغيرة اكسيد تيتانيوم
_ضع
الاناء اللى فيه الحاجات دى فى اناء اكبر فيه ماء يغلى لحد ميسيح الكريم و
يختلط ببقيه المواد ...قلبى بسرعة و بعدين شيليه من على النار ..و ضعيه
جانبا حتى يبرد ..مع التقليب البطىىىىىء ..من فترة لاخرى ...
****الآن
لديك كريم رائع قوة الوقاية فيه اكثر من 30 اس بى اف ..يعنى درجة مقاومة
للشمس ..وده كويس جدا ...مش بس كدة ..لأ ده بخلاصة الصبار الرائعة فى
مقاومة الالتهابات ..هيه صحيح بتركيز ضعيف بس كويس ...
***شكرا ليكم ...واى سؤال لا تترددوا فى سؤال ..حكيم زمانه
الأحد يوليو 13, 2008 6:20 pm